Պուտին - Ծինփին հանդիպումը տևել է չորսուկես ժամ
Մոսկվայում ավարտվել է ՌԴ նախագահ Վլադիմիր Պուտինի և Չինաստանի նախագահ Սի Ծինփինի ոչ պաշտոնական հանդիպումը։ Չինաստանի ղեկավարը լքել է Կրեմլը։ Այս մասին գրում է Интерфакс-ը։
Ընդհանուր առմամբ Պուտինի և Սի Ծինփինի շփումը տևել է չորսուկես ժամ։ Պուտինը փողոց է դուրս եկել՝ ճանապարհելու Չինաստանի Ժողովրդական Հանրապետության նախագահին։ Նրանք կարճ զրուցել են Չինաստանի առաջնորդի մեքենայի մոտ և ձեռքսեղմում արել՝ ի նշան հրաժեշտի:
Երեքշաբթի երկու երկրների ղեկավարները կրկին կհանդիպեն և լայնամասշտաբ բանակցություններ կվարեն։
