«ՀՀ–ի և ՌԴ–ի միջև առևտրաշրջանառությունը կրկնապատկվել է». Լավրով
Ռուսաստանի հետ համագործակցությունն օգնել է Հայաստանին ապահովել ՀՆԱ-ի ռեկորդային աճ։ Այս մասին այսօր հայտարարեց ՌԴ ԱԳ նախարար Սերգեյ Լավրովը ՀՀ ԱԳ նախարար Արարատ Միրզոյանի հետ հանդիպման ժամանակ։
«Ռուսաստանը այս պահին Հայաստանի տնտեսությունում առաջատար ներդրողն է, անցած տարին այս առումով ռեկորդային էր։ ՀՀ–ի և ՌԴ–ի միջև առևտրաշրջանառությունը կրկնապատկվել է` հասնելով 5 մլրդ դոլարի»,– նշեց նա։
Լավրովը նշեց, որ երկու առաջնորդների միջև ինտենսիվ երկխոսությունը շարունակվում է, այդ թվում ՝ ԵԱՏՄ-ի, ՀԱՊԿ-ի և ԱՊՀ-ի շրջանակներում և այս տարվա մայիսին Մոսկվայում կկայանա Եվրասիական տնտեսական բարձրագույն խորհրդի նիստը։
Հիշեցնենք, որ այս պահին ընթանում է ՀՀ արտգործնախարար Արարատ Միրզոյանի և Ռուսաստանի արտգործնախարար Սերգեյ Լավրովի հետ վերջին անգամ հանդիպումը։
