Պուտինը կատարել է իր կյանքի ամենամեծ սխալը․ Զելենսկի
ՌԴ նախագահ Վլադիմիր Պուտինն անում է ամեն ինչ, որպեսզի Ռուսաստանը շարունակի պայքարը, միայն թե ինքն իրեն և մյուսներին չխոստովանի, որ թույլ է տվել պատմական սխալ։ Այս մասին ասել է Ուկրաինայի նախագահ Վլադիմիր Զելենսկին՝ ելույթ ունենալով «Մադլեն Օլբրայթ» ժողովրդավարության մրցանակաբաշխության արարողության ժամանակ։
«2022 թվականի փետրվարի 23-ին՝ ռուսական պատերազմի սրման նախորդ օրը, Մադլեն Օլբրայթը հրապարակեց մի գրություն, որում ասվում է, որ Ռուսաստանի առաջնորդը պատմական սխալ է թույլ տալիս։ Սրանք մարգարեական խոսքեր էին. Նա իսկապես սխալ է թույլ տվել՝ ամենամեծ սխալն իր կյանքում և ռուսների ժամանակակից սերունդների կյանքում»,- ասել է նախագահը։
Զելենսկու խոսքով՝ «ցանկացած բռնապետության հաստատուն գաղափարն է՝ անտեսել սխալները և ձևացնել, թե սխալներ չեն եղել»։
«Այժմ Ռուսաստանը հենց այդպես է վարվում։ Ակնհայտ է, որ բռնապետը պարտվել է։ Սակայն նա ամեն ինչ անում է, որպեսզի Ռուսաստանը շարունակի պայքարը, միայն թե իրեն ու մյուսներին չխոստովանի, որ պատմական սխալ է տեղի ունեցել։ Եթե Ռուսաստանն իրեն անկյունում է զգում, ապա մեղավոր է միայն Պուտինը»,- ասել է նա:
