Մենք կքննարկենք Հայաստանին աջակցելու բանաձևը․ ֆրանսիացի պատգամավորի գրառումը

«Վաղը հանդիպման ժամանակ մենք կքննարկենք Հայաստանին աջակցելու բանաձևը, որը սեպտեմբերից դարձել է Ադրբեջանի ագրեսիայի զոհը։ Մենք պետք է փրկենք հայ ժողովրդին։ Անվերապահ աջակցություն Հայաստանին և Արցախին»։ Այս մասին թվիթերյան իր էջում գրառում է կատարել ֆրանսիացի պատգամավոր Սաբրինա Ագրեստի-Ռուբաշը՝ Փարիզում կայացած հանրահավաքի ժամանակ՝ ի պաշտպանություն Հայաստանի և Արցախի դեմ Ադրբեջանի ագրեսիան դադարեցնելու կոչով ընդունված բանաձևի։

[d186f4563894bc0c532a3be6cd7bf350.png]

Հիշեցնենք, որ սեպտեմբերի 13-ին, ժամը 00։05-ի սահմաններում, Ադրբեջանի զինված ուժերի ստորաբաժանումները, հրետանային միջոցների, ականանետերի ու ԱԹՍ-ների կիրառմամբ ինտենսիվ կրակ էր բացել հայ-ադրբեջանական սահմանի միանգամից մի քանի հատվածում տեղակայված հայկական դիրքերի ուղղությամբ։

Նշենք նաև, որ Ջերմուկ քաղաքը  2022 թվականի սեպտեմբերի 13-ից մինչև սեպտեմբերի 15-ը ենթարկվել է հրետակոծության՝ ադրբեջանական զինված ուժերի նախահարձակ ահաբեկչական գործողությունների պատճառով։ Հայաստանի Հանրապետության ինքնիշխան տարածքի նկատմամբ Ադրբեջանի զինված ուժերի կողմից սկսած լայնածավալ ագրեսիայի ժամանակ կիրառվել է` խոշոր տրամաչափի զինատեսակներ, հրետանի, հրթիռային համակարգեր, անօդաչու թռչող սարքեր։