Ձերբակալվել է Խերսոնի ղեկավարի նախկին տեղակալը
Ռուսաստանի հետ համագործակցության կասկածանքով ձերբակալվել է Խերսոնի ղեկավարի նախկին տեղակալ Վլադիմիր Պեպելը, հայտնում է РИА Новости-ն՝ Ուկրաինայի Հետախուզությունների պետական բյուրոյին հղումով։
«Վլադիմիր Պեպելը կասկածվում է Խերսոնի օկուպացիայի ժամանակ ռուսների հետ համագործակցելու մեջ։ Այս պահին նա գտնվում է կալանքի տակ»,- ասված է հաղորդագրության մեջ։
Ավելի վաղ Ուկրաինայում ձերբակալվել էր Ուկրաինայի Անվտանգության ծառայության Խարկովի մարզի վարչության նախկին ղեկավար Ռոման Դուդինը։
Դուդինին կասկածում են դավաճանության մեջ։ Հրատարակությունն ընդգծում է, որ ձերբակալությունն իրականացվել է Ուկրաինայի արեւմուտքում գտնվող շրջաններից մեկում։
