Դեկտեմբեր‎ի 07 Երևան 6°C

$ 395.53 | € 393.43 | ₽ 6.42

Երևան 6°C | $ 395.53 | € 393.43 | ₽ 6.42

Թուրքիայի գործողությունները Սիրիայում վտանգ են ներկայացնում տեղի ամերիկյան զորքերի համար. Պենտագոն

Թուրքիայի կողմից Սիրիայի հյուսիսում շարունակվող գործողությունը պոտենցիալ վտանգներ է պարունակում տարածաշրջանում ԱՄՆ ռազմական կոնտինգենտի համար:  Այս մասին РИА Новости-ին ասել է ամերիկյան կենտրոնական հրամանատարության ներկայացուցիչը։

 

«Մենք լրացուցիչ տեղեկություններ ենք ստացել տարածաշրջանում ԱՄՆ զինված ուժերի համար ռիսկի առկայության մասին»,- ասել է գործակալության զրուցակիցը։

 

Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ Թուրքիան չի բացառում ցամաքային գործողությունը Սիրիայում և Իրաքում իր օդային հարվածից հետո։

 

Գործողությունն իրականացնելու որոշումը հաջորդել է Ստամբուլում տեղի ունեցած ահաբեկչությանը, որտեղ կենտրոնական փողոցներից մեկում պայթյունի հետևանքով վեց մարդ է զոհվել։

 

ԱՄՆ Զինված ուժերի կենտրոնական հրամանատարությունը հայտարարել է, որ Վաշինգտոնը դեմ է Սիրիայում իրավիճակի ապակայունացմանը տանող ցանկացած ռազմական գործողության։