Մահացել է նշանավոր միջուկային գիտնական Աշոտ Սարկիսովը՝ խորհրդային միջուկային նավատորմի ստեղծողներից մեկը
Մահացել է Ռուսաստանի գիտությունների ակադեմիայի ակադեմիկոս Աշոտ Սարկիսովը՝ ատոմային էներգետիկայի բնագավառի աշխարհի խոշորագույն գիտնականներից և հայրենական միջուկային նավատորմի ստեղծողներից մեկը, գրում է ТАСС-ը՝ հղում տալով Ռուսաստանի գիտությունների ակադեմիայի միջուկային էներգիայի անվտանգ զարգացման հիմնախնդիրների ինստիտուտի ներկայացուցչին:
«Աշոտ Առաքելովիչը մահացել է 99 տարեկանում։ Հոկտեմբերի 17-ի առավոտյան ակադեմիկոս-ծովակալի սիրտը չդիմացավ: Սա անդառնալի կորուստ է աշխարհի և Ռուսաստանի գիտական հանրության համար»,- ասել նա։
Ակադեմիկոս Սարկիսովն անգնահատելի ներդրում է ունեցել ատոմակայաններում հիմնական ֆիզիկական գործընթացների ուսումնասիրության գործում։ Նրա աշխատանքի արդյունքները հնարավորություն են տվել ստեղծել միջուկային ռեակտորի դինամիկ տեսություն, որն իր հերթին հանգեցրել է տեղեկատվության և վիճակագրական մոդելների և նավային ատոմակայանների վթարային ավտոմատ պաշտպանության ստեղծման մեթոդաբանության առաջացմանը:
Այս մեթոդաբանությունը օգտագործվել է խորհրդային և ռուսական միջուկային սառցահատների մի քանի սերունդների, ինչպես նաեւ լողացող ատոմակայաններինախագծման մեջ, որոնցից առաջինը ստեղծվել է Ռուսաստանում։
Ակադեմիկոս Սարկիսովի կատարած տեսական և փորձարարական ուսումնասիրությունները հնարավորություն են տվել ստեղծել սկզբունքորեն նոր անսխալ էներգիայի աղբյուր՝ միջուկային ռեակտորի միջուկում ներկառուցված ջերմաէլեկտրական գեներատոր։ Գիտնականը մեծ ներդրում է ունեցել միջուկային սուզանավերի նավատորմի սպայական ինժեներական անձնակազմի պատրաստման գործում՝ որպես Սեւաստոպոլի բարձրագույն ռազմածովային ինժեներական դպրոցի տնօրեն։
