Եվրոպան այս ձմեռ զգալի դժվարություններ կունենա. Էրդողան
Եվրոպական երկրներն այս ձմռանը զգալի դժվարությունների կբախվեն ռուսական գազի մատակարարումների սահմանափակումների պատճառով, հայտարարել է Թուրքիայի նախագահ Ռեջեփ Թայիփ Էրդողանը Թուրքիայի երիտասարդական հիմնադրամի (TUGVA) անդամների հետ Ստամբուլում կայացած հանդիպմանը։
«Այժմ ամբողջ Եվրոպան մտածում է. «Ինչպե՞ս է անցնելու այս ձմեռը»: - նրա խոսքերն է մեջբերում Anadolu-ն։
Միաժամանակ, ըստ Էրդողանի, Թուրքիան էներգետիկ ռեսուրսների հետ կապված խնդիրներ չի ունենա։
Եվրոպական երկրների կողմից Ուկրաինային աջակցությունը սպառնալիքի տակ է հայտնվել հակառուսական պատժամիջոցների, հատկապես Ռուսաստանից գազի պակասի հետևանքների պատճառով։ Այս մասին տեղեկություն է տարածել ամերիկյան Foreign Policy ամսագիրը։
Հոդվածի հեղինակ Քրիստինա Լուի խոսքով, ԵՄ երկրները կանգնած են ամենադժվար ճգնաժամի առջև, որը վերաբերում է ինչպես սովորական քաղաքացիներին, այնպես էլ խոշոր ընկերություններին և ամբողջ արտադրական ճյուղերին։ Նրա խոսքով, էներգակիրների գներն այժմ տասն անգամ ավելի բարձր են, քան վերջին տասը տարվա միջին ցուցանիշը։
