Պեսկովը՝ ՀԱՊԿ առաքելության Հայաստան ժամանելու մասին
Հավաքական անվտանգության պայմանագրի կազմակերպության (ՀԱՊԿ) առաքելությունը գլխավոր քարտուղար Ստանիսլավ Զասի գլխավորությամբ դեռ Հայաստան չի ժամանել։ Այս մասին չորեքշաբթի լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Ոչ, ՀԱՊԿ առաքելությունը դեռ չի ժամանել, որքան ես գիտեմ։ Ի վերջո, որոշումը կայացվել է միայն երեկ ուշ երեկոյան, այն դեռ պետք է ձևավորվի, և պետք է թռչել, հասնել այնտեղ»,- ասել է Կրեմլի խոսնակը:
Հիշեցնենք՝ ՀԱՊԿ գլխավոր քարտուղար Ստանիսլավ Զասը կգլխավորի ՀԱՊԿ առաքելությունը Հայաստանում, նստաշրջանի արդյունքներով հայտնել է կազմակերպության քարտուղարությունը: Համաձայնեցվել է նաև Քարտուղարության աշխատակազմից և Միացյալ շտաբի զինվորականներից աշխատանքային խումբ ստեղծելու մասին՝ Հավաքական անվտանգության պայմանագրի կազմակերպության պատասխանատվության գոտում իրավիճակի մշտական մոնիթորինգի նպատակով։
Նրանց խնդիրը կլինի Ադրբեջանի հետ հակամարտության գոտում իրավիճակի գնահատումը, պետությունների ղեկավարներին զեկույցի նախապատրաստումը և լարվածության թուլացման վերաբերյալ առաջարկությունների մշակումը։ Առաքելության կազմում կլինեն նաև ՀԱՊԿ միացյալ շտաբի պետ, գեներալ-գնդապետ Անատոլի Սիդորովը և կազմակերպության անդամ երկրների ներկայացուցիչներ:
