Հերթականը. գողացել են բանաստեղծուհու գերեզմանի բրոնզյա կիսանդրին

 Երեկ, հերթական անգամ Կոմիտասի անվան զբոսայգի այցելելիս, մոտենալով զբոսայգու կենտրոնական մասում թաղված բանաստեղծուհի Շուշանիկ  Կուրղինյանի գերեզմանին` ցնցվեցի ու ապշահար եղա: Նրա մահարձանի բրոնզյա կիսանդրին չկար: Հերթական առևանգումը: Այս մասին ահազանգել է լրագրող  Արտյուշ  Խանջյանը:

«Չնայած լրատվությանը կանոնավոր հետևում եմ (հատկապես` հուշարձաններին վերաբերող հարցերին), տեսածս ինձ համար անակնկալ էր: Չգիտեմ` այս հերթական գողությունը վերջին մեկ տարվա ընթացքում եր՞բ է կատարվել, եղե՞լ են այդ առիթով հրապարակումներ, թե ոչ:Այս հարցերով վերջին երեսուն տարիներին այնքան շատ է գրվել ու խոսվել, նոր բան չեմ կարող ասել … Միայն մեկ բառ «անպատժելիություն»:  Պետք է խստագույնս պատժել և գողացող վանդալներին և նրանց գործընկերներին` քանդակները որպես գունավոր մետաղի ջարդոն ընդունողներին»,- գրել է լրագրողը։

«Տեր ունեցողին տերն է տարել, անտերին`գելը»,- գրել է ահազանգողը: