Սուրեն Պապիկյանը Ադրբեջանի դեմ նոր պատերազմի վտանգ չի տեսնում
Ադրբեջանի հետ նոր պատերազմի վտանգ այս պահին տեսանելի չէ։ Հանրայինի եթերում հայտարարել է ՀՀ պաշտպանության նախարար Սուրեն Պապիկյանը: Այսպիսով նա գնահատել է սահմանին պարբերաբար տեղի ունեցող դեպքերն ու հակառակորդի կողմից տարածվող ապատեղեկատվությունը։
«Որպես կանոն` ՀՀ ԶՈւ–ն հրադադարի ռեժիմը խախտում է` լռեցնելով հակառակորդին։ Այսինքն` եթե կա փոխհրաձգություն, ապա դա մեր նախաձեռնությամբ չէ։ Իհարկե, լիահույս եմ, որ նման կերպ կվերաբերվեն նաև հարևան երկրի ԶՈւ ներկայացուցիչները և կկարողանանք այսօրվա փոքրիշատե խաղաղ վիճակը տանել կայուն խաղաղության»,– ասել է նա։
Նախարարի խոսքով` ցանկացած իրավիճակում ՀՀ ԶՈւ–ն պետք է պատրաստ լինի ապահովելու խաղաղությունը։
