ՏԵՍԱՆՅՈՒԹ․ «Էդ ի՞նչ ես անում, արա՛»․ վարորդը մեքենան վարեց ցուցարարների ուղղությամբ
Երեւանի կենտրոնական փողոցներից մեկում վարորդներից մեկը մեքենան վարել է անհնազանդության ակցիա իրականացնող ցուցարարի վրա:
«Էդ ի՞նչ ես անում, այ տղա: Կայնի, հլը»,-բացականչում է ցուցարարներից մեկը եւ հնչում են վարորդի հասցեին հայհոյանքներ:
Իսկ երբ վարորդին հաջողվում է առաջանալով դուրս պրծնել, ցուցարարներից մեկը հետեւից բղավում է. «Դավայ, թուրք»:
Նշենք, որ «Դիմադրություն» շարժումը վաղ առավոտից վերսկսել է անհնազանդության ակցիաները՝ Նիկոլ Փաշինյանի հրաժարականի պահանջով։ Երևանի տարբեր հատվածներում նրանք փողոցներ են փակել, փակ է Մաշտոցի պողոտայից դեպի օդանավակայան տանող ճանապարհը։ Ոստիկանությունը փորձում է վերականգնել երթևեկությունը։ Կան բազմաթիվ բերման ենթարկվածներ։
