Կա զգուշացում․ Բայդենի խոսքերը Պուտինի մասին հարաբերությունների խզման եզրին են հասցրել

ԱՄՆ նախագահ Ջո Բայդենի՝ Վլադիմիր Պուտինի մասին անընդունելի հայտարարությունները երկրների միջև հարաբերությունները խզման եզրին են հասցրել, հայտարարել է ՌԴ ԱԳՆ-ն, փոխանցում է Ռիա Նովոստին։

Հիշեցնենք, որ Բայդենն անցյալ շաբաթ ասել էր, որ Պուտինին համարում է «ռազմական հանցագործ»։ Երկուշաբթի օրը այս առիթով Ռուսաստանում ԱՄՆ դեսպան Ջոն Սալիվանը կանչվել է դիվանագիտական ​​վարչություն և նրան բողոքի նոտա է փոխանցվել։ 

«ԱՄՆ նախագահի նման հայտարարությունները, որոնք հարիր չեն պետական գործչին, ռուս-ամերիկյան հարաբերությունները դնում են խզման եզրին ։ Զգուշացնում ենք, որ Ռուսաստանի դեմ ձեռնարկվող թշնամական գործողությունները վճռական եւ կոշտ հակահարված կստանան», - ասվում է ԱԳՆ հայտարարությունում։ 

ՌԴ նախագահի մամուլի քարտուղար Դմիտրի Պեսկովը, մեկնաբանելով ՌԻԱ Նովոստիին Բայդենի խոսքերը, անընդունելի և աններելի է անվանել երկրի նախագահի նման հռետորաբանությունը։
Կրեմլը Բայդենի նման հայտարարությունները բացատրում է նրա դյուրագրգռությամբ և մոռացկոտությամբ։ Պեսկովն ընդգծել է, որ սա Պուտինի հասցեին ԱՄՆ նախագահի առաջին անձնական վիրավորանքը չէ։