Մոսկվայի դիրքորոշումը բանակցություններում «ավելի ադեկվատ է դարձել, բայց մենք տարածք չենք զիջելու». Միխայիլ Պոդոլյակ

Ուկրաինայի և Ռուսաստանի միջև բանակցությունները կարող են տևել մի քանի շաբաթ. Սակայն նշաններ կան, որ Մոսկվայի դիրքորոշումը բանակցություններում «ավելի ադեկվատ է դարձել»։ Այս մասին հայտարարել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը, գրում է Bloomberg-ը։

Պոդոլյակի խոսքով՝ բանակցային գործընթացը կարող է ավելի երկար ձգձգվել՝ հաշվի առնելով փոխադարձաբար բացառող դիրքորոշումները։

«Կան որոշ զիջումներ, որոնց մենք հաստատ չենք պատրաստվում գնալ, մենք տարածք չենք զիջի»,- ընդգծեց նա։

Պոդոլյակը հիշեցրել է, որ Ուկրաինայի պահանջները մնում են նույնը. պետության անվտանգության երաշխիքները, զինադադարը և ռուսական զորքերի դուրսբերումը։