Ռուսաստանը չեղարկել է դեպի ութ երկիր թռիչքների սահմանափակումները՝ այդ թվում նաև Հայաստան
Ռուսաստանը չեղարկել է համաճարակի պատճառով կիրառվող սահմանափակումները դեպի Ադրբեջան, Հայաստան, Ղազախստան, Ղրղզստան, Տաջիկստան, Թուրքմենստան, Ուզբեկստան և Իրան, հայտնում է «Ռոսավիացիան»։
«2022 թվականի մարտի 9-ին Ռուսաստանի Դաշնության Կառավարության որոշման համաձայն՝ Ադրբեջան, Հայաստան, Ղազախստան, Ղրղզստան, Տաջիկստան, Թուրքմենստան, Ուզբեկստան և Իրան անկանոն և կանոնավոր չվերթների սահմանափակումները, որոնք նախկինում մտցվել էին որպես կանխարգելման մաս հանվել են»,- ասվում է հաղորդագրության մեջ։
Թռիչքները կիրականացվեն փոխադարձ հիմունքներով՝ օդային երթևեկության մասին երկկողմ միջկառավարական համաձայնագրերի և ավիացիոն իշխանությունների միջև առանձին համաձայնագրերի դրույթների հիման վրա։
«Կանոնավոր և ոչ կանոնավոր թռիչքներ կատարելիս ավիաընկերությունները պետք է համապատասխանեն Ռուսաստանի Դաշնության գլխավոր պետական սանիտարական բժշկի 2020 թվականի մարտի 18-ի թիվ 7 «COVID-19-ի տարածումը կանխելու նպատակով մեկուսացման ապահովման մասին» հրամանի դրույթներին», - նշում է Օդային տրանսպորտի դաշնային գործակալությունը։
