Ռուսաստանը անիրատեսական պահանջներ է առաջադրում. հայտարարություն՝ Թուրքիայից

Ռուսաստանը բանակցություններում անիրատեսական պահանջներ է առաջադրում, ասել է Էրդողանի խոսնակը Թուրքիայի նախագահի ներկայացուցիչ և գլխավոր խորհրդական Իբրահիմ Կալինը մեկնաբանել է ռուս-ուկրաինական հակամարտությունը, կողմերի միջև բանակցությունները։ Կալինը նշել է, որ մարտի 2-ին Ռուսաստանի և Ուկրաինայի միջև բանակցությունների երկրորդ փուլը չի ​​կազմակերպվի, քանի որ նկատվում է ռազմական գործողությունների ինտենսիվության աճ։

«Հավանաբար, բանակցությունները 1-2 օրով հետաձգվեն։ Մենք կապի մեջ ենք պատվիրակությունների հետ»,- ասել է Կալինը՝ հավելելով, որ բանակցությունները չեն կարող արդյունք տալ, եթե դրանք վարվեն միայն ժամանակ շահելու համար։

Խոսելով բանակցություններում Ռուսաստանի պահանջների մասին՝ Կալինը նշել է. «Բանակցությունները հեշտ չեն: Ռուսաստանը անիրատեսական պահանջներ է ներկայացնում, ինչպիսիք են Ղրիմի ճանաչումը և Ուկրաինայի զինաթափումը։ Մեր տեսանկյունից այս պահանջների ընդունումն անհնար է։ Մենք կենտրոնանում ենք պատերազմի ավարտի, հրադադարի և մարդասիրական միջանցքի բացման վրա»։