Եվրոպայում գազի արժեքը նվազել է
Եվրոպայում գազի արժեքը փետրվարի 15-ի սակարկությունների ընթացքում 2021 թվականի դեկտեմբերի 31-ից ի վեր առաջին անգամ իջել է հազար խորանարդ մետրի դիմաց 800 դոլարի սահմանից: Այս մասին են վկայում Լոնդոնի ICE բորսայի տվյալները, գրում է Lenta.ru-ն:
Մարտի ֆյուչերսների գինը նվազել է մինչև 798,9 դոլար հազար խորանարդ մետրի դիմաց։ Օրվա սկզբից գազի գնի ընդհանուր նվազումը կազմում է ավելի քան 15 տոկոս։
Ավելի վաղ Եվրահանձնաժողովը 2022 թվականի ձմռան տնտեսական կանխատեսման մեջ նշել էր, որ 2021-ին ռեկորդային մակարդակի հասած գազի գները այժմ փոքր-ինչ նվազում են, բայց դեռևս մնում են բարձր, և կանխատեսվում է, որ կնվազեն միայն 2023 թվականին։
