Ադրբեջանում ՊՆ գնդապետ է ձերբակալվել խոշոր յուրացման համար
Ադրբեջանի պետական անվտանգության ծառայությունը ձերբակալել է պաշտպանության նախարարության ֆինանսական վարչության պետ, գնդապետ Ռաֆայել Խալաֆովին, հայտնում են ադրբեջանական լրատվամիջոցները։
Սաբաիլի շրջանային դատարանը նրան չորս ամիս ժամկետով կալանքի տակ է վերցրել։
Խալաֆովին մեղադրանք է առաջադրվել Քրեական օրենսգրքի 179.4 հոդվածով (առանձնապես խոշոր չափերով յուրացում): Մասնավորապես, նա կասկածվում է ավելի քան կես միլիոն մանաթ (մոտ 300 հազար դոլար) յուրացման մեջ։
