Աջարիայում առատ ձյուն է․ վնասվել են ենթակառուցվածքներ
Աջարիան կրկին ծածկվել է ձյունով։ Մարզի բարձր լեռնային շրջանները շարունակաբար մաքրվում են ձյունից։ Հատուկ տեխնիկայի օգնությամբ մաքրվում են առանձին գյուղեր միմյանց կապող ճանապարհները։ Բաթումիի տարածքը և Նոր բուլվարը շուրջօրյա մաքրվում են։
Այստեղ ուժեղ փոթորկի պատճառով ալիքները տարել են ավազ ու խճաքար, վնասել ենթակառուցվածքները, ողողել ափամերձ տարածքը։
Ըստ եղանակի կանխատեսումների՝ ձյան տեղումները բարձր լեռնային Աջարիայում կշարունակվեն եւս մի քանի օր։
