Twitter-ը սկսել է նոր գործառույթի փորձարկումը

Twitter-ն ամբողջ աշխարհում սկսում է փորձարկել քվեարկության կոճակը: Այս մասին հաղորդվում է Twitter Support միկրոբլոգում։

Հուլիսին սոցցանցը սկսել էր սահմանափակ թվով օգտատերերի հետ iOS սարքերի «կողմ» (Upvote) և «դեմ» (Downvote) գործառույթների փորձարկումներ, որոնց օգնությամբ օգտատերերը կարող էին թվիթին աջակցություն և անհամաձայնություն հայտնել:

«Մենք ընդլայնում ենք փորձադաշտը. ձեզանից շատերը բրաուզերում, ինչպես նաև iOS-ի և Android-ի հավելվածներում կկարողանան օգտագործել downvote կոճակը»,- ​​ասված է գրառման մեջ։

Միայն հեղինակները կկարողանան տեսնել օգտատերերի բացասական ձայները, դրանք կթաքցվեն կողմնակի աչքերից։