Որքա՞ն կարժենա մարդկանց մուտքը Մարս. Մասկը հայտնել է՝ երբ է դա հնարավոր

Իլոն Մասկը Lex Friedman-ի YouTube-ի փոդքաստում ասել է, որ ներկայիս պայմաններում մարդկանց Մարս ուղարկելը կարժենա տրիլիոն դոլար:

«Մենք չենք կարող գաղութացնել Մարսը, քանի որ դա առայժմ չափազանց թանկ է: Այս պահին մարդկանց Մարս ուղարկելը կարժենա մեկ տրիլիոն դոլար: Փաստն այն է, որ մեկ հրթիռը բավարար չէ, մարդկանց անհրաժեշտ են բժշկական սարքավորումներ, կապի միջոցներ»,- նշել է գործարարը։

Նա նաև ասել է, որ ցանկանում է կառուցել ինքնաբավ գաղութային քաղաքներ՝ օգտագործելով ստորգետնյա  ֆերմաներ, որոնք կսպառեն արևային էներգիան։ Սա մարդկանց համար պայմաններ կապահովի բերք աճեցնելու և սննդի համար։