Բայդենը մեր երկիրը մեկ տարում ոչնչացրել է. Թրամփ

Դոնալդ Թրամփը կարծում է, որ դեմոկրատական կուսակցությունը եւ Սպիտակ տան ներկայիս ղեկավար Ջո Բայդենը մեկ տարվա ընթացքում ավերել են Միացյալ Նահանգները: 

«Շատ բաներ վատ են ընթանում և դա  հարված է հասցրել մարդկանց ընդամենը մեկ տարվա ընթացքում։ Մեր երկիրը մեկ տարում ոչնչացրել են», - ասել է նա։

Թրամփը դեմոկրատներին պարբերաբար մեղադրում է այն բանում, որ նրանք ԱՄՆ-ին ոչնչացնում են իշխանության գալու պահից ի վեր։ Նրա գլխավոր մեղադրանքը դեմոկրատներին ու Բայդենին՝ 2020 թվականի ընտրությունների արդյունքները կեղծելն է։ Թրամփը նաեւ հայտարարում է, որ դեմոկրատների պատճառով աճել է հանցավորության մակարդակը, շարունակվում է միգրանտների անվերահսկելի ներհոսքը հարավային սահմանով, ԱՄՆ-ն կախվածության մեջ է հայտնվել նավթի ռուսական մատակարարումներից, Ռուսաստանն ու Չինաստանը թալիբներից ստացել են ամերիկյան մարտական տեխնիկա՝ նմանը ստեղծելու համար: