Հայաստանը իրավունք չունի սահմանազատման հարցում որևէ պայման դնելու․ Բայրամով

Երկու շաբաթ առաջ հայկական կողմը հանդես եկավ Ադրբեջանի հետ սահմանի սահմանազատման նոր առաջարկներով։ Ինչպես հաղորդում է Trend-ը, այդ մասին հայտարարել Է Ադրբեջանի ԱԳ նախարար Ջեյհուն Բայրամովը Բաքվում Հունգարիայի արտաքին գործերի եւ առեւտրի նախարար Պետեր Սիյարտոյի հետ համատեղ մամուլի ասուլիսի ժամանակ։ 

«Հայկական կողմը որոշակի պայմաններ է դրել Ադրբեջանի եւ Հայաստանի միջեւ սահմանի սահմանագծման եւ սահմանազատման հանձնաժողովի աշխատանքը սկսելու համար։ Ադրբեջանը հայտարարել է, որ կարող է սկսել այդ գործընթացը, բայց առանց որեւէ պայմանների»,-ասել է Բայրամովը։

Նրա խոսքով ՝ սահմանների սահմանազատման հարցում որեւէ "կրեատիվ" մոտեցման անհրաժեշտություն չկա, եւ միջազգային սահմանները պետք է ճանաչվեն։

«Հայաստանը, որը 30 տարի շարունակ օկուպացրել է ադրբեջանական հողերը, չունի ո՛չ իրավաբանական, ո՛չ քաղաքական, ո՛չ բարոյական իրավունք սահմանազատման ինչ-որ պայմաններ դնելու»,- ընդգծել է Բայրամովը: