Բայդենն ու Զելենսկին հեռախոսազրույց են ունեցել․ մանրամասներ
ԱՄՆ նախագահ Ջո Բայդենը հետախոսազրույց է ունեցել Ուկրաինայի նախագահ Վլադիմիր Զելենսկու հետ։ Առաջնորդներն անդրադարձել են այնպիսի թեմաների, ինչպիսիք են ԱՄՆ-ի և դաշնակիցների արձագանքը Ռուսաստանի գործողություններին, անվտանգության ոլորտում շփումերը և հանձնառությունն Ուկրաինայի ինքնիշխանությանը։ Այս մասին հայտնում է Սպիտակ տունը։
ԱՄՆ նախագահի վարչակազմում հավելել են, որ առաջնորդներն աջակցություն են հայտնել մի շարք հարցեր, այդ թվում ռազմավարական կայունությանը վերաբերող,դիվանագիտական ջանքերով լուծելու հնարավորությանը։
Սպիտակ տան ղեկավարը նշել է, որ ԱՄՆ-ն, իր դաշնակիցներն ու գործընկերները վճռական պատասխան կտան Ուկրաինայի սահմանին իրադրության սրացման դեպքում։ Բայդենն աջակցություն է հայտնել վստահության ամրապնդման միջոցառումներին՝ ուղղված Դոնբասում լարվածության թուլացմանը և ակտիվ դիվանագիտությանը՝ նորմանդական ձևաչափի շրջանակում Մինսկի պայմանագրերի կատարումը խթանելու համար։
Զրույցի վերջում կողմերը քննարկել են անվտանգության ոլորտում Ռուսաստանի հետ առաջիկա շփումներն ու հավանություն տվել ՆԱՏՕ-ի և ԵԱՀԿ-ի գծով իրականացվող դիվանագիտական ջանքերին։
