Մակրոնը ողջունել է 10 հայ ռազմագերիների վերադարձը Հայաստան
Ֆրանսիայի նախագահ Էմանուել Մակրոնը թվիթերյան գրառմամբ ողջունել է դեկտեմբերի 19-ին Ադրբեջանի կողմից 10 հայ ռազմագերիների ազատ արձակումը և նրանց վերադարձը Հայաստան։
«Ազատ են արձակվել 10 հայ զինվորներ։ Ես ցանկանում եմ ողջունել Եվրոպական Միության վճռական գործողությունները, որոնց օգնությամբ մենք կշարունակենք առաջ տանել երկխոսության այդ ուղին, որը տանում է դեպի խաղաղություն Ադրբեջանի և Հայաստանի միջև: Մենք առաջ ենք գնում»,- գրել է Մակրոնը:
Ավելի վաղ հայտնել էինք, որ Եվրոպական խորհրդի նախագահ Շառլ Միշելի միջնորդությամբ 10 հայ ռազմագերիներ են վերադարձել հայրենիք։ Նրանք գերեվարվել էին նոյեմբերի 16-ին:
