Կառավարության շենքի դիմաց բողոքի ակցիա իրականացնող 16 քաղաքացի է բերման ենթարկվել

Կառավարության շենքի դիմաց բողոքի ակցիա իրականացնող 16 քաղաքացի է բերման ենթարկվել։ Այս մասին «Փաստինֆո»-ին հայտնեցին ՀՀ ոստիկանության Հասարակայնության հետ կապերի և լրատվության վարչությունից՝ նշելով, որ քաղաքացիները բերման են ենթարկվել Վարչական իրավախախտումների վերաբերյալ օրենսգրքի 182-րդ հոդվածի հիմքով՝ ոստիկանների օրինական պահանջը չկատարելու համար։

Հիշեցնենք, որ Կառավարության շենքի մոտ բողոքի ակցիա է իրականացվում՝ ընդդեմ Սյունիքի մարզի Գորիս-Կապան ավտոճանապարհին ադրբեջանական մաքսակետեր տեղադրելու։ Ակցիայի ընթացքում քաղաքացները փորձել են մուտք գործել կառավարության շենք, ինչի ընթացքում իրավիճակը լարվել է։ Ոստիկանության ծառայողները թույլ չեն տվել քաղաքացիներին մոտենալ կառավարության շենքին, հրմշտոց է սկսվել ոստիկանենրի և ակցիայի մասնակիցների միջև։

Ոստիկանության ծառայողները բերման են ենթարկվել ակցիայի մասնակիցներից մի քանիսին, այդ թվում՝ ազատամարտիկների։ Գեղամ Մանուկյանը լրագրողների հետ զրույցում հայտնեց, որ բերման ենթարկված քաղաքացիներից մեկի ինքնազգացողությունը վատացել է։