Ադրբեջանը խոչընդոտում է իրանական արտահանումը դեպի Ռուսաստան
Իրան-Ռուսաստան համատեղ առևտրաարդյունաբերական պալատի տնօրենների խորհրդի անդամ Ջlալիլ Ջալիֆարը հայտարարել է, որ Ադրբեջանը խոչընդոտում է Իրանից դեպի Ռուսաստան արտահանումը: Այս մասին Инфотека24.ру-ի հաղորդմամբ հայտնում է իրանական Imna- ն:
Ըստ Ջալիֆարի՝ դեպի Ռուսաստան Իրանի արտահանման 80 տոկոսը կազմում են գյուղատնտեսական և պարենային ապրանքները, որոնց մեծ մասն անցնում է Աստարայի անցակետով: Ադրբեջանը չի կարող ուղղակիորեն հայտարարել, որ փակել է այս ճանապարհը, քանի որ Ռուսաստանը նույնպես ներգրավված է այս հարցում:
Վերջինս նշել է, որ ադրբեջանական կողմն ամեն օր ինչ-որ պատճառ է ներկայացնում, օրինակ՝ հոսանք չկա, ռենտգեն ապարատը չի աշխատում, երբեմն էլ ասում են, թե թմրանյութեր փնտրող շները չկան, իսկ Ադրբեջանի կառավարությունը հրաժարվում է համագործակցությունից: Այդ պատճառով Աստարայում բեռնատարների երկար հերթեր են առաջանում՝ հասնելով 10 կմ -ի:
«Մենք պետք է դիվանագիտության մոդել ունենանք յուրաքանչյուր երկրի, հատկապես հարևան երկրների հետ: Օրերս հայտնի դարձավ, որ Ադրբեջանից տարանցիկ ուղուն կփոխարինի Հայաստանը: Նման պայմաններում լրատվամիջոցները չպետք է լուսաբանեն այդ որոշումները: Ադրբեջանցիները թշնամանում են հայերի հետ և այս լուրերի տարածմամբ սաբոտաժ է սկսվում: Այժմ այս ճանապարհը բացելու միակ ճանապարհը դիվանագիտությունն է », - հավելել է Ջալիլ Ջալիֆարը:
