«Կորոնավիրուսի «դելտա» շտամը Հայաստանում նույնպես շրջանառվում է». Անահիտ Ավանեսյան

Այսօր լրագրողների հետ ճեպազրույցի ժամանակ Առողջապահության նախարարի պաշտոնակատար Անահիտ Ավանեսյանը՝ անդրադառնալով կորոնավիրուսով պայմանավորված իրավիճակին հայտնել է.

«Կորոնավիրուսի դեպքերի աճը կտրուկ չէ, աստիճանական է, բայց հասկանում ենք, որ աշնան առաջին կեսին ունենք նոր ալիքի գալու վտանգ: Ինչ վերաբերում է «դելտա» շտամին, այս պահին դեռ չունենք սեկվենավորած նմուշ: Իհարկե, ՀՀ-ում էլ շրջանառվում է, որովհետև ունենք բաց սահմաններ և՛ ՌԴ-ի, և՛ Վրաստանի հետ, ու եվրոպական շատ երկրներում էլ այդ շտամը մեծամասնություն է կազմում»: