COVID-ի երկրորդ տարին կարող է հանգեցնել ավելի շատ մահերի, քան առաջինը․ ԱՀԿ

COVID-19-ն արդեն 3,3 մլն մարդու կյանք է խլել։ Մենք համավարակի երկրորդ տարում ենք, որը կարող է ավելի շատ մահերի հանգեցնել, քան առաջինը։ Այս մասին հայտարարել է ԱՀԿ-ի գլխավոր տնօրեն Թեդրոս Ադհանոմ Ղեբրեյեսուսը։

 ԱՀԿ տնօրենն ասում է, որ մարդկանց փրկելու միակ միջոցը պատվաստումներն ու հանրային առողջապահության միջոցները միավորելն է, այլ ոչ թե դրանք առանձին-առանձին օգտագործելը:

ԱՀԿ-ում նաև ընդգծել են՝ միայն պատվաստումը վիրուսի տարածման դեմ 100%-անոց միջոց չի կարող լինել, քանի որ պատվաստված մարդիկ կարող են կրկին վարակվել։ ԱՀԿ-ի վստահեցնում է, որ երկրները՝ սահմանափակումները հանելու մասին որոշումների ընդունելիս պետք է հիմնվեն  ոչ թե իրենց երկրում պատվաստվածների թվի, այլ COVID-19-ի տարածման մակարդակի վրա։