Դմիտրի Պեսկովը մեկնաբանել է Ռուսաստանի դեմ ԱՄՆ-ի հնարավոր պատժամիջոցները

Ռուսաստանի Դաշնության նախագահի մամուլի քարտուղար Դմիտրի Պեսկովը, խոսելով Ռուսաստանի դեմ ԱՄՆ-ի նոր հնարավոր պատժամիջոցների մասին, ասել է, որ «առանց կրակի ծուխ չի լինում», եւ Կրեմլում դատապարտում ու անօրինական են համարում ցանկացած պատժամիջոցային ձգտումները, հաղորդում է «ՌԻԱ Նովոստին»: 

Նա նաեւ նշել է, որ Մոսկվան չէր ցանկանա, որ ԱՄՆ-ի հետ հարաբերությունները կառուցվեն լենինյան բանաձեւով. «Մեկ քայլ առաջ, երկու քայլ հետ»: 

«Հասկանալի է, որ առանց կրակի ծուխ չի լինում: Եւ, ամենայն հավանականությամբ, խոսքը ամերիկյան թերթերում ինչ-որ «արտահոսքերի» մասին է: Առայժմ, իհարկե, մենք չենք մեկնաբանի թերթերի հաղորդագրությունները, մենք դեռ կսպասենք, եթե պաշտոնական Վաշինգտոնը հայտարարի որեւէ կոնկրետ որոշում», - լրագրողներին ասել է Պեսկովը: 

Խոսելով պատժամիջոցների մասին՝ նա հիշեցրել է Ռուսաստանի Դաշնության դիրքորոշումը. «Ինչ վերաբերում է պատժամիջոցներին, ապա այստեղ մոտեցումը ոչ մի կերպ չի կարող փոխվել: Մենք դատապարտում ենք ցանկացած պատժամիջոցային նման ձգտումները, համարում ենք դրանք անօրինական եւ, ամեն դեպքում, այս հարցում գործում է փոխադարձության սկզբունքը՝ փոխադարձություն այնպես, որ լավագույնս ապահովենք մեր սեփական շահերը։ Իհարկե, մենք մեր երկկողմ հարաբերություններում չէինք ցանկանա գործել լենինյան բանաձեւով. «Մեկ քայլ առաջ, երկու քայլ հետ»: