Կարսում մենք տուն ունենք, իմ հայրենիքն է, Աղդամն էլ է իմ հայրենիքը. Ալեն Սիմոնյան

Ալեն Սիմոնյանը չի մեկնաբանում իմքայլական պատգամավոր Հովիկ Աղազարյանի հայտարարությունը, ըստ ում Քարվաճառը հայկական չէ:

Սիմոնյանը լրագրողների հետ զրույցում ասել է, որ դա իշխանության կարծիքը չէ, իսկ ինչ վերաբերում է իրեն, ինքն իր հայրենիքն է համարում Հայոց ամբողջ լեռնաշխարհը. «Իմ ծնողները ծնունդով Կարսից են: Մենք այնտեղ տուն էլ ունենք, երկաթյա մոստից հետո աջից երկրորդ տունը: Դա էլ է իմ հայրենիքը, չնայած հիմա Թուրքիայի տարածքն է: Ես Աղդամն էլ եմ համարում իմ հայրենիքը, քանի որ իմ պապերի պապերն այնտեղ են ապրել, իմ եկեղեցիներն այնտեղ են»,-ասել է նա: