Վիրավորական արտահայտություններ եք անում. Արծվիկ Մինասյանը՝ Պետրոս Ղազարյանին

«Դուք փակեցիք Բաղրամյանը, իշխանությունը ձեզ չխանգարեց, դուք այնտեղ ակցիաներ արեցիք, ներկայացումներ, համերգներ խորոված...: Հիմա էլ որոշել եք բացել Բաղրամյանը: Կարելի՞ է ասել, որ դա փոքրիկ պարտություն էր»,- Հանրային հեռուստաընկերության եթերում դիմելով իր հյուրին՝ ՀՅԴ ԳՄ անդամ Արծվիկ Մինասյանին՝ հետաքրքրվել է լրագրող Պետրոս Ղազարյանը:

Եթերի սկզբին Մինասյանը Պետրոս Ղազարյանի որոշ արտահայտություններ վիրավորական որակեց. «Ձեր խոսքի մեջ մի քանի անգամ փորձեցիք նաև վիրավորական բաներ ասել՝ խորոված, քեֆ-ուրախություն...: Ինչ-որ արտահայտություններ եք անում ...»,- ասել է Մինասյանը:

Ի պատասխան Ղազարյանն ասել է՝ «Ես չասացի քեֆ-ուրախություն, ես ասացի՝ խորոված, համերգ, ներկայացում»:

Մինասյանը, հակադարձելով հարցազրուցավարին, ներկայացրել է «Հայրենիքի փրկության շարժման» ակցիաների բուն էությունը: