Ես պարզ հասկացրեցի Պուտինին, որ այդ օրերն անցել են. Բայդեն
ԱՄՆ նախագահ Ջո Բայդենը հայտարարել է, թե Ռուսաստանի նախագահ Վլադիմիր Պուտինին նախազգուշացրել է, որ անցել են այն օրերը, երբ Միացյալ Նահանգները «ճկվում էր Ռուսաստանի ագրեսիայի առջեւ»:
«Ես պարզ հասկացրեցի Պուտինին, բոլորովին այլ կերպ, քան իմ նախորդը, որ անցել են այն օրերը, երբ Միացյալ Նահանգները ճկվում էր Ռուսաստանի ագրեսիվ գործողությունների առջեւ՝ միջամտություն մեր ընտրություններին, կիբեռհարձակումներ, սեփական քաղաքացիների թունավորում»,- Պետդեպարտամենտում իր ելույթի ժամանակ ասել է Բայդենը:
«Ամերիկան վերադարձել է: Դիվանագիտությունը վերադարձել է»,- ասել է նա: «Մենք պետք է դիմավորենք գլոբալ մարտահրավերների արագացման այս նոր պահը` համաճարակից մինչեւ կլիմայական ճգնաժամ եւ միջուկային զենքի տարածում, ինչը կարող են լուծել միայն այն երկրները, որոնք համատեղ աշխատում են ընդհանուր գործի համար»,- ասել է նա: «Դա պետք է սկսվի դիվանագիտությունից, որը հիմնված է Ամերիկայի ամենանվիրական ժողովրդավարական արժեքների վրա՝ ազատության պաշտպանություն, հնարավորությունների պաշտպանություն, համընդհանուր իրավունքների պաշտպանություն, օրենքի գերակայության հանդեպ հարգանք, արժանապատիվ վերաբերմունք յուրաքանչյուր մարդու հանդեպ»
