Առայսօր Արցախ է վերադարձել ավելի քան 48 000 փախստական. ՌԴ ՊՆ

Ռուս խաղաղապահների ուղեկցությամբ ավելի քան 48 հազար փախստական վերադարձել է Լեռնային Ղարաբաղ, հաղորդում է ՌԴ ՊՆ-ն։ 

Ըստ հաղորդման՝ մեկ օրում Երևանից Ստեփանակերտ է տեղափոխվել 225 արցախցի։ Ընդհանուր առմամբ մշտական բնակության վայր է վերադարձել 48 հազար 59 փախստական։ 

Ռուսական խաղաղապահ զորախմբի զինծառայողների կողմից ապահովվում է քաղաքացիների անվտանգ վերադարձը իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական ենթակառուցվածքի օբյեկտները: 

Ռուս խաղաղապահները շուրջօրյա վերահսկում են իրավիճակը և հետևում հրադադարի ռեժիմի պահպանմանը, հաղորդում է ՌԴ ՊՆ-ն։