Քաղաքացիների նկատմամբ նշանակված տուգանքները պարետատան լուծարումից հետո չեն չեղարկվի. NEWS

Քաղաքացիների նկատմամբ նշանակված տուգանքները պարետատան լուծարումից հետո չեն չեղարկվի: Այս մասին NEWs.am-ի հետ զրույցում ասաց արդարադատության փոխնախարար Ռաֆիկ Գրիգորյանը:

Նրա խոսքով՝ օրենքի համաձայն՝ տուգանքները մեխանիկորեն շարունակում են գործել՝ չկորցնելով օրինական ուժը: Այդպիսով, տուգանքները կգործեն արդեն վարչապետի որոշման համաայն:

Այնուամենայնիվ, քաղաքացիների իրավունքն է դատական կարգով տվյալ որոշումների բողոքարկումը:   

Նշենք, որ ԱԺ-ում քննարկվել է «ՀՀ բնակչության սանիտարահամաճարակաբանական անվտանգության ապահովման մասին» օրենքում եւ հարակից օրենքներում փոփոխություններ եւ լրացումներ կատարելու մասին օրինագծերի փաթեթը:

Օրենսդրական նախաձեռնության մեջ ասվում է, որ վարակիչ հիվանդությունների բռնկման, տարածման եւ արտակարգ իրավիճակների դեպքում առողջապահության ոլորտում լիազորված պետական ​​մարմնի առաջարկով` մարզպետի կամ քաղաքապետի կողմից, համապատասխան վարչատարածքային վարչությունում կարող է կարանտին մտցվել: