Հայկական կողմը միանշանակ ինչ-որ քայլեր անում է. Զարեհ Սինանյանը՝ ՌԴ մեկնել ցանկացող քաղաքացիներին
Մենք սահման բացելու գործառույթ չենք իրականացնում կամ որոշում, թե Ռուսաստանն ում ներս թողնի: Այս մասին այսօր` սեպտեմբերի 3-ին Կառավարության դիմաց կրկին բողոքի ակցիա իրականացնող Ռուսաստանի Դաշնություն մեկնել ցանկացողներին ասաց Սփյուռքի հարցերով հանձնակատար Զարեհ Սինանյանը:
«Մենք որեւէ իրավասություն չունեն զբաղվելու, կան համապատասխան մարմիններ, որոնք զբաղվում են: Մենք բանակցություններ չենք վարում, զբաղվում ենք Հայաստան-Սփյուռք կապերով, այս քաղաքացիները չեն կարող հետ վերադառնալ օբյեկտիվ պատճառներով` համավարակով պայմանավորված։ Պետք է դիմել Արտաքին գործերի նախարարություն կամ պարետատուն, մենք սահման բացելու գործառույթ չենք իրականացնում, կամ որոշելու` Ռուսաստանն ում է ներս թողնում, ում չէ՞»,- ասաց Սինանյանը:
Հարցին` արդյոք հայկական կողմն այս հարցի վերաբերյալ ձեռնարկած անելիքներ չունի՞, Զարեհ Սինանյանը համոզմունք հայտնեց, որ հայկական կողմը միանշանակ ինչ-որ քայլեր անում է:
