Ռուսական կողմից Բաքու են գնում ամպեր, որոնց կուտակումը կարող է կործանարար լինել Բաքվի համար. Կ. Հովհաննիսյան
Ռազմական փորձագետ Կարեն Հովհաննիսյանը ֆեյսբուքյան իր էջում գրել է. «Ռուսական կողմից Բաքու են գնում ամպեր, որոնց կուտակումը կարող է կործանարար լինել Բաքվի համար։ Ռուսաստանից ոչ պաշտոնական տեղեկություններ են տարածվում, որ Ադրբեջանը դառնում է ահաբեկիչների համար նոր թեժ կետ։ Կոնկրետ թվեր են նշում, և կոնկրետ էթնիկական խմբերի են նշում, որոնց միջոցով Թուրքիան Սիրիայում իրականացնում է անջատողական և ահաբեկչական գործողություններ։
Ռուսական ԶԼՄ-ների կողմից տարածվող տեղեկատվությունը 500 հոգի թուրքոմոն վարձկանների մասին լուրից այնքան է սարսափել Բաքվի բռնապետը, որ պաշտոնական անդրադարձ է կատարել հենց պաշտպանության նախարարությունը»։
Ռուսաստանն Ադրբեջանին հասկացնում է, որ Սիրիայում իր կռիվը թուրքոմոնների դեմ է, և որ Ադրբեջանում ևս այդպես կլինի․․․ Հետաքրքիր զարգացումներով շրջան ենք թևակոխել․․․»:
