Մարզային ԲԿ-ներին կնվիրաբերվի 21 Ուազ տեսակի ամենագնաց շտապօգնության ավտոմեքենա

Կառավարության վաղվա նիստի օրակարգում ընդգրկված է մարզային բժշկական կազմակերպություններին թվով 21 Ուազ տեսակի ամենագնաց շտապօգնության ավտոմեքենաների և դրանք հագեցնելու նպատակով ձեռք բերված բժշկական սարքավորումների և պարագաների նվիրաբերման մասին որոշումը:

Նշված պարագաները Առողջապահության նախարարության կողմից ՀՀ պետական բյուջեի շրջանակներում:

Շտապ օգնության ծառայությունը հիմնականում գործում է բժշկական կենտրոնների կառուցվածքում, ձեռք բերված մեքենաները և սարքերը առաջարկվում է նվիրաբերությամբ տրամադրել ընտրված մարզային բժշկական կենտրոններին, որպես նվիրաբերության պայման սահմանելով դրանց օգտագործումը բացառապես բժշկական օգնության ծառայությունների մատուցման նպատակով։

Բժշկական կենտրոնների ընտրությունը կատարվել է հիմքում ունենալով մարզպետարանների կողմից ներկայացված կարիքները, յուրաքանչյուր անգամ առաջնորդվելով տվյալ բժշկական կենտրոնի կողմից սպասարկվող ազգաբնակչության քանակով, առկա մեքենաների տեխնիկական վիճակի գնահատմամբ և հագեցվածության աստիճանով, սպասարկվող բնակավայրի աշխարհագրական դիրքով։

Մեքենաների ձեռք բերման համար ծախսվել է 298,200,000 ՀՀ դրամ: