Ֆեյսբուքի էջերի նյութերը էս նկարով գալը ձեզանից չէ, դիմակը չհագնելուց չէ, ախտահանվել պետք չէ. Սամվել Մարտիրոսյան
Այսօր լրատվական մի շարք կայքերի ֆեյսբուքյան հրապարակումները տարածվում էին սիրահար զույգի լուսանկարով։ Օգտատերերը տարակուսանքի մեջ էին, և մտածում էին, որ իրենց էջը ենթարկվել է հաքերային հարձակման, կամ մեկ այլ խնդիր է։
Մեդիաանվտանգության փորձագետ Սամվել Մարտիրոսյանը ֆեյսբուքյան իր էջում անդրադարձել է այդ լուսանկարը տարածվելուն՝ գրելով. «Շատերի մոտ էս պահին Ֆեյսբուքի էջերի նյութերը բոլորը էս նկարով են գալիս։ Սա ձեզանից չէ, դուք հարձակման չեք ենթարկվել, չեք վարակվել, դիմակը չհագնելուց չէ, ախտահանվել պետք չէ։ Ֆեյսբուքի ներքին խնդիր է։ Կարող է զուտ տեխնիկական, օրինակ, քեշավորման համակարգն ա թռել։ Կամ, իսկապես, հաքերների գործն է։ Բայց մենք անելիք չունենք, պետք է նստենք թաղթին, սպասենք էն անտերին»։
