Բանակային միջազգային 6-րդ խաղերի մասնակից հայ զինծառայողներն արդեն լավագույնների շարքում են հայտնվել
Բելառուսում բանակային միջազգային վեցերորդ խաղերի «Դիպուկահարի բնագիծ» մրցույթի առաջին փուլում հայ զինծառայողները բավականին բարձր արդյունք են գրանցել, հայտնվելով լավագույնների շարքում: Այս մասին հայտնում է ՊՆ-ն։
«Բանակային միջազգային վեցերորդ խաղերը Բելառուսում մեկնարկել են խորհրդանշական արարողությամբ: Առաջին օրը մասնակից թիմերը ծաղիկներ են խոնարհել Բրեստի ամրոցի պաշտպանության համար զոհված խորհրդային զինվորի հիշատակին:
Ավելի ուշ մեկնարկել է «Դիպուկահարի բնագիծ» մրցույթը: Առաջին փուլում հայ զինծառայողները բավականին բարձր արդյունք են գրանցել, հայտնվելով լավագույնների շարքում»,- ասված է ՊՆ հաղորդագրության մեջ։
