Փաստորեն ուղղաթիռներից արձակումներ կարող են լինել. Արծրուն Հովհաննիսյան

«Փաստորեն ուղղաթիռներից արձակումներ կարող են լինել։ Ինչպես տեսնում եք արդյունքները այնքան էլ գոհացուցիչ չեն։ Ահա հենց սրա համար են նաև «Սու-30» երը անփոխարինելի»: Այս մասին ֆեյսբուքյան իր էջում գրել է Արծրուն Հովհաննիսյանը:

Հիշեցնենք, որ հուլիսի 21-ին ՀՀ ՊՆ-ն կազմակերպել էր ՀՀ ԶՈւ ստորաբաժանումների կողմից խոցված ադրբեջանական անօդաչու թռչող սարքերի ցուցադրություն: Ներկայացված էին վերջին օրերին խոցված ԱԹՍ-ների մնացորդեն, ինչպես նաև նախկինում խոցված ադրբեջանական ԱԹՍ-ներից մի քանի նմուշ:

Ի թիվս ԱԹՍ-ների՝ ցուցադրության շարքերում կային նաև վերջին օրերի մարտերից մնացած այլ բեկորներ, որոնք համապատասխանում էին իսրայելական արտադրության Spike NLOS կառավարվող հրթիռներին: Այս մասին գրել էր Ռազմ.info-կայքը: