Բժիշկներին հաջողվել է փրկել Արմեն Սահակյանի կնոջը կյանքը. վիճակը կայուն ծանր է
Երեկ ուշ երեկոյան հայտնել էինք ԱՄՆ-ի Բրբանք քաղաքում տեղի ունեցած ողբերգական դեպքի մասին, որի ժամանակ երկու վարձկան մեքսիկացիներ սպանել էին գործարար Արմեն Սահակյանին եւ ծանր վիրավորել վերջինիս կնոջը: Ավելի ուշ մամուլում լուրեր տարածվեցին, թե կյանքից հեռացել է նաեւ Արմենի կինը՝ Դիաննան: Սակայն Freenews-ի տեղեկություններով այս պահին Դիաննայի վիճակը կայուն ծանր է, բժիշկներն անջատել են կնոջը միացված արհեստական շնչառության սարքը: Նա կարողանում է ինքնուրույն շնչել: Նշենք, որ Դիաննային վիրավորել են որովայնի հատվածից:
Ըստ տեղեկությունների այս պահին ԱՄՆ է փորձում մեկնել Դիաննայի հայրը՝ թոռներին եւ դստերը հասնելու, նրանց մասին հոգ տանելու համար: Հիշեցնենք, որ Սահակյաններ ունեն երեք անչափահաս երեխաներ:
Դեպքին անդրադարձել են նաեւ ամերիկյան լրատվամիջոցները:
