Արմավիրի մարզում վարորդը Audi-ով կողաշրջվել է․ 25-ամյա 4 ուղևորները տեղափոխվել են հիվանդանոց
Հուլիսի 20-ին խոշոր ավտովթար է տեղի ունեցել Արմավիրի մարզում։ Ժամը 01։00-ի սահմաններում Գեղակերտ գյուղի Թումանյան փողոցի թիվ 5 տան դիմաց Նալբանդյան գյուղի բնակիչ՝ 23-ամյա Արգամ Զաքարյանը իր վարած Audi մակնիշի ավտոմեքենայով, դեռևս անհայտ հանգամանքներում, դուրս է եկել ճանապարհի երթևեկելի գոտուց և կողաշրջվել։
Ինչպես հայտնում է Shamshyan.com-ը, վթարի հետևանքով ուղևորներ՝ Արմավիր քաղաքի բնակիչներ՝ 25-ամյա Գևորգ Հակոբյանը, 25-ամյա Էրիկ Հակոբյանը, 25-ամյա Դավիթ Վարդանյանը և 25-ամյա Ռազմիկ Աղաբաբյանը մարմնական վնասվածքներով տեղափոխվել են «Արմավիր» բժշկական կենտրոն։
Կայքի տեղեկություններով՝ վարորդ Ա․ Զաքարյանն աշխատում է Նալբանդյան գյուղի միջնակարգ դպրոցում որպես պահակ, վիրավորներից՝ Գ․ Հակոբյանը ծառայում է ՀՀ N ՊՆ զորամասում։
