ՏԵՍԱՆՅՈՒԹ. Ֆրանսիական Նանտ քաղաքում այրվել է Ֆրանսիայի խոշորագույն գոթական տաճարներից մեկը
Ֆրանսիական Նանտ քաղաքում այրվել է Ֆրանսիայի խոշորագույն գոթական տաճարներից մեկը՝ Սուրբ Պետրոսի եւ Պողոսի տաճարը: Այս պահին կան մանրամասներ: Մոտ 6 ժամ է հրշեջներին չի հաջողվում վերջնական մարել կրակը: Ակտիվ օջախներ կան: Ըստ նախնական տվյալների, հրդեհը սկսվել է միանգամից 3 տեղում: Քննարկվում է նաեւ միտումնավոր հրդեհելու փաստը: Տաճարի ներսում տեղադրված 17-րդ դարի հազվագյուտ երգեհոնը փրկել չի հաջողվել: Այն վերածվել է մոխրակույտի: France Bleu ռադիոկայանի տեղեկություններով՝ հրդեհի վայրում աշխատում են 60 հրշեջներ եւ 6 մարտական հաշվարկ: Տեղանքը ամբողջ պարագծով շրջափակված է:
