Հայտնի է ավտոմեքենաների աշխարհի ամենաթանկ ապրանքանիշի անունը
Tesla-ի բաժնետոմսերի արժեքը գերազանցել է 1000 ԱՄՆ դոլարը: Այսպիսով, ամերիկյան ընկերությունն ավտոմեքենաների աշխարհի ամենաթանկ ապրանքանիշն է դարձել, հայտնում է Autonews-ը ՝ վկայակոչելով Bloomberg-ը: Պարբերականի համաձայն՝ Tesla-ի կապիտալիզացիան գերազանցել է 190 միլիարդ դոլարը: Արդյունքում, այս ցուցանիշներով ամերիկացիները կարողացել են առաջ անցնել Toyota-ից եւ Volkswagen-ից:
Ընկերության բաժնետոմսերը սկսել են արագորեն աճել Tesla-ի ղեկավար Իլոն Մասկի՝ Tesla Semi էլեկտրական քարշակի սերիան գործարկելու պատրաստակամության մասին հայտարարությունից հետո: Այդ ցուցանիշների վրա ազդել է նաեւ ընկերության գործարանի բացումը Չինաստանում:
Tesla Semi էլեկտրական բեռնատարի առաջին նախատիպը ցուցադրվել էր 2017-ի նոյեմբերին: Սերիական ավտոմեքենան հագեցած կլինի չորս էլեկտրական շարժիչով, որոնք թույլ կտան տեղից 5 վայրկյանում մինչեւ 100 կմ/ժամ արագություն հավաքել, իսկ 40 տոննա կցորդով՝ 20 վայրկյանում: Բեռնատարի թոփային տարբերակը կկարողանա առանց մարտկոցները լիցքավորելու մինչեւ 1000 կմ անցնել:
