4-րդ զորամիավորում անցկացվել է մարտական հրաձգությամբ մասնագիտական պարապմունք
Հունիսի 10-ին 4-րդ զորամիավորման զորամասերից մեկում անցկացվել է մասնագիտական պարապմունք՝ մարտական հրաձգությամբ: Այդ մասին հայտնում են ՀՀ ՊՆ տեղեկատվության և հասարակայնության հետ կապերի վարչությունից։
Զինծառայողներին ուսուցանվել են զորավարժությունների ընթացքում կրակի կազմակերպման և վարման մեթոդաբանությունն ու մարտական գործողությունների վարման առավել նպատակահարմար եղանակները։
Ամրապնդվել է ստորաբաժանումների ներդաշնակման և անձնակազմի ֆիզիկական պատրաստության մակարդակը:
