Գորիսում կորոնավիրուսով վարակված 40-ն անց կնոջը ուղղաթիռով տեղափոխել են  Երեւան։ Այս մասին հայտնում է Armlur.am-ը:

Օրեր առաջ Գորիսի բժշկական կենտրոն է տեղափոխվել գլխուղեղի կաթված (ինսուլտ) ախտորոշմամբ։ Այնուհետև կնոջ վիճակը վատթարացել է և նրան ուղղաթիռով տեղափոխել են Երեւան՝ Էրեբունի բժշկական կենտրոն։

Այս պահին քաղաքի հյուրանոցներից մեկում մեկուսացվել է Գորիսի բժշկական կենտրոնի 14 բուժաշխատող։

Հիշեցնենք, որ կորոնավիրուսի առաջին դեպքը Գորիսում հաստատվել էր ապրիլի 27-ին։