Արտակարգ դրությունը չշարունակելու տարբերակ չկա. վարչապետ

ՀՀ վարչապետ Նիկոլ Փաշինյանը շրջում է Հանրապետության հրապարակի այգում: Նա զրուցում է քաղաքացիների հետ: 

«Կորոնավիրուսի ընթացքում կարող ենք չնկարվել, ձեռքով չբարևել, շատ մոտ չկանգնել»,- ասաց նա:

Վարչապետը նաև նշեց՝ արտակարգ դրությունը չշարունակելու տարբերակ չկա:

Փաշինյանը, տեսնելով առանց դիմակի քաղաքացիների խմբի, հետաքրքրվեց, թե ինչու դիմակներ չեն կրում: Նա կոչ արեց հետևել իրենց, հարազատների, ընկերների, տարիքով մարդկանց առողջությանը: 

«Աստված չանի վիրուս լինի, բոլորդ վարակվում եք և վարակում ձեր ընտանիքի անդամներին,- ասաց Փաշինյանը, – Մինչև չեն վարակվում, ասում են վիրուսը սարքած է»: 

Նա խնդրեց մարդկանց իրարից հեռու կանգնել և դիմակներ կրել: 

«Կարող է նաև առանց դիմակի փողոցում գտնվելու համար տուգանելու որոշում կայացվի»,- նշեց Փաշինյանը: 

Քաղաքացիներից մեկի հարցին, թե բանկերն արդյոք իրավունք ունեն գումարներ պահանջել վարկառուներից, Փաշինյանն ասաց, որ այս ընթացքում 500 հազար մարդու վարկային արձակուրդ է տրվել: 

«Այսօր բոլոր մարդկանց, ովքեր իրենց բանկերի հետ ճիշտ աշխատանքային հարաբերություններ ունեն, բանկերը ըմբռնումով են վերաբերվում: 

Նա բանկի կողմից չարաշահումների հինգ օրինակ խնդրեց՝ այդ հարցով զբաղվելու համար: 

«Ես անձամբ կկարդամ և կծանոթանամ»,-նշեց վարչապետը: 

Քաղաքացին հարցրեց նաև բանկային տոկոսադրույքների իջեցման մասին: 

«2018 թվականին օրենք է  ընդունվել, որով տույժ-տուգանքները ներվել են, 125 հազար մարդու վարկային պատմությունը մաքրվել է, և 13 մլրդ դրամի տույժ-տուգանք է ներվել»,- հիշեցրեեց Նիկոլ Փաշինյանը: