Նաիրա Զոհրաբյանին զարմացրել է,  երբ խորհրդարանում ասել են, թե կանանց պետք է բացատրել, որ իրավատեր են, որոշ պատգամավորներ ընդդիմացել են, թե դա նվաստացուցիչ է։ 
Մարդու իրավունքների պաշտպանի տարեկան զեկույցի քննարկման ժամանակ նա հարց տվեց՝ Հայաստանում չկա՞ն կանայք, որոնց պետք է բացատրել, որ իրավատեր են։ Ինքն էլ պատասխանեց ու օրինակ բերեց ընտանեկան բռնությունների և հատկապես կանանց կողմից դրա մասին չբարձրաձայնելու արատավոր երևույթները։ 

Զոհրաբյանը հայտնեց, որ դիմել է ոստիկանություն և ստացել է պատասխան, որ ընտանեկան բռնության կանխարգելման օրենքի ընդունումից հետո աննշան թվով են մեծացել կանանց կողմից դիմումները։ Ըստ այդմ՝ պատգամավորը պնդում է, որ պետք է փոխել վերաբերմունքը ու փոխել մարդկանց մենթալիտետը։