ԱԺ տնտեսական հարցերի մշտական հանձնաժողովի նախագահ Բաբկեն Թունյանը ջերմություն ունի, նա կորոնավիրուսի թեստ է հանձնել: Այսօր հանձնաժողովի նիստում այդ մասին հայտնեց հանձնաժողովի անդամ, «Իմ քայլը» խմբակցության պատգամավոր Հայկ Գևորգյանը։

«Պարոն Թունյանը տաքություն ունի, թեստավորվել է»,- ասաց նա։

Հանձնաժողովի նախագահի տեղակալ Հովիկ Աղազարյանն ԱԺ նախագահի մոտ խորհրդակցության էր, այդ իսկ պատճառով հանձնաժողովի նիստը վարել է Հայկ Գևորգյանը։